Экс-муж Мельнікавай: праз знікненне Анжалікі нікуды не заяўляў, не бачу сэнсу

— Праз знаёмых, але хтосьці звярнуўся ў нейкія органы? Калі знікае чалавек — трэба ж, напэўна, каб шукалі?

— Ну... ну я... нікуды афіцыйна не звяртаўся. Не ведаю, не бачу ў гэтым сэнсу.

— А чаму?

— Ну... таму... хм... таму што не бачу... [пасмейваючыся] не ведаю. Ну, не хачу звязвацца з органамі ў такім стылі.

— Ці вы думаеце, што яна сама кудысьці проста з'ехала?

— Ой! Без паняцця. Увогуле ж... ну я не ведаю, у мяне ніякай інфармацыі няма.

— А дзеці з вамі яшчэ?

— Так, дзеці са мной. У мяне... як бы [уздыхнуў] мы разведзеныя, у прынцыпе, таму... вось…

— Скажыце, а як вы з'язджалі? Вы з Польшчы разам з дзецьмі з'язджалі?

— Усё, без каментароў.

Ператэлефаноўваем Андрэю яшчэ раз крыху пазней.

— Выбачайце. Я сёння прачытала артыкул, быццам вашае маўчанне звязана з тым, што вы датычныя да знікнення і справа неяк звязана з хатнім гвалтам.

— Далібог, я не чытаю навіны і хай яны там фантазуюць, як хочуць. Мне наогул без розніцы. Я наогул не чытаю навінавыя рэсурсы, таму без каментароў.

— Але ў вас нармальныя былі адносіны з Анжалікай агулам?

— Да пабачэння.