Даражэе праезд у грамадскім транспарце Мінска, Брэсцкай і Гродзенскай абласцей

Мінгарвыканкам прыняў рашэнне павялічыць кошт праезду ў грамадскім транспарце сталіцы. Аналагічныя рашэнні прынялі Брэсцкі і Гродзенскі аблвыканкамы.

Рашэнне Мінгарвыканкама №1169 ад 27 сакавіка апублікавалі на Нацыянальным прававым інтэрнэт-партале. Яно набывае моц праз 5 дзён пасля апублікавання.

Праезд у грамадскім транспарце і правоз багажу даражэе на 10 капеек. У наземным транспарце за адну паездку давядзецца заплаціць 95 капеек, у метро — 1 рубель.

Таксама ў Мінску памяняюцца і віды праязных білетаў. Цяпер тут будуць квіткі на 1 суткі і 3 сутак — яны называюцца турыстычнымі. Праязных на 20, 50 і 100 паездак больш не будзе.

Такім чынам, у сталіцы будуць праязныя на 1, 3, 10, 15, 30 сутак і на месяц, а таксама на 1, 3, 7, 10, 25, 30, 40 і 60 паездак. Кошт праязных будзе ў інтэрвале ад 4,81 рубля (сутачны) да 56,97 рубля (месячны) — у залежнасці ад колькасці відаў транспарту і тэрміну дзеяння.

У Брэсцкай і Гродзенскай абласцях праезд у грамадскім таксама даражэе на 10 капеек: квіткі на адну паездку будуць каштаваць 90 капеек.

Раней падаражэў праезд у грамадскім транспарце Мінскай і Магілёўскай абласцей.