Чыноўнікі адказалі, ці можна вешаць БЧБ-гірлянды на вокны
Упрыгожванне акна па схеме БЧБ / telegram
Мінчуку прыйшоў адказ з адміністрацыі Фрунзенскага раёна на пытанне, ці лічыцца гірлянда "па схеме БЧБ" на акне пікетам.
— Заканадаўствам Рэспублікі Беларусь не прадугледжаная падборка колеравай гамы ўпрыгожанняў на вокнах кватэр, — гаворыцца ў афіцыйным лісце.
Імаверна, судзіць за бел-чырвоныя-белыя гірлянды па артыкуле 23.34 беларусаў пакуль усё ж не будуць. Хоць уладальнікі такіх святочных упрыгожанняў ужо паведамлялі пра папярэджанні і рэкамендацыі прыбраць гірлянду.
— Дадаткова тлумачым, што размяшчэнне на вокнах кватэр, шкленні балконаў сцягоў бел-чырвона-белай расфарбоўкі для публічнай дэманстрацыі грамадзянам, у адпаведнасці з арт. 10 Закона Рэспублікі Беларусь "Аб масавых мерапрыемствах", трактуецца як правядзенне масавага мерапрыемства — пікетавання, — не маглі не нагадаць у адміністрацыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
