Беларусы сталі ў 2 разы часцей бываць у Тайландзе

Турыстычны паток у Тайланд у 2024 годзе падвоіўся. Гэты кірунак для адпачынку выбралі больш за 20 тысяч беларусаў і беларусак, паведамляе Рэспубліканскі саюз турыстычнай індустрыі ў сваіх сацсетках.

"Сёлета з Беларусі ў Тайланд адправіліся 20 654 турысты. Для параўнання, у 2023 годзе іх было ўсяго 9008", — кажуць у Турыстычным упраўленні Тайланда.

Верагодна, гэты ўсплёск папулярнасці звязаны са спрашчэннем візавага рэжыму. Гэтым летам тайскія ўлады дазволілі афармляць візу ўжо па прылёце ў аэрапорт. Праграма "віза па прыбыцці" закранула ўладальнікаў пашпартоў 30 краін, сярод якіх апынуліся і беларусы. Каб атрымаць візу, турысту трэба падаць запоўненую анкету, фатаграфію, бронь гатэля і адваротнага білета. А яшчэ наяўнасць дастатковага для адпачынку грошай. Сума невялікая — крыху больш за 280 еўра.

Значна адрозніваецца сітуацыя з атрыманнем Шэнгенскай візы. Беларусы вымушаныя месяцамі чакаць магчымасці падаць свае дакументы, пры гэтым пажадана мець магчымасць пацвердзіць наяўнасць на рахунку некалькіх тысяч еўра.