Беларускі шлях: у Расіі экстрэмісцкім аб'яднаннем хочуць прызнаць... сям'ю
Расія, фота ілюстрацыйнае / Аляксандр Чугуеў
У Расіі "экстрэмісцкім аб'яднаннем" хочуць прызнаць сям'ю з чатырох чалавек, піша "Новая Газета Еўропа".
Генпракуратура РФ запатрабавала надаць такі статус экс-дэпутату Дзярждумы ад "Адзінай Расіі" Магамеду Гаджыеву, яго фактычнай жонцы Нінэль Каламійцавай, а таксама яго сыну і сястры.
Па версіі следчых, яны стварылі "групу", у аснове якой ляжаць "палітычныя і ідэалагічныя ўстаноўкі на падтрымку варожых РФ замежных дзяржаў, у тым ліку Украіны, і іх узброеных фарміраванняў".
Праца "групы" нібыта ажыццяўляецца за мяжой і накіраваная "супраць жыцця і здароўя расіян, бяспекі грамадства і дзяржавы".
