Беларусбанк зрабіў механізм праверкі рэквізітаў для абароны ад махляроў

Беларусбанк прадставіў новы інструмент, які дазваляе правяраць рэквізіты пры пераводах на прадмет іх магчымага выкарыстання ў махлярскіх схемах.

Калі сістэма выявіць, што рахунак або картка фігуравалі ў злачыннай дзейнасці, аперацыя будзе прыпыненая, а кліент атрымае паведамленне: "Грашовы перавод па ўказаных Вамі рэквізітах немагчымы ў сувязі з наяўнасцю ў банка прыкмет несанкцыянаванага пераводу (магчымае махлярства)".

Далейшае рашэнне аб пераводзе сродкаў на такі рахунак або картку будзе прымацца пасля праверкі праваахоўнымі органамі.

Новы механізм накіраваны на прадухіленне вываду скрадзеных грошай і павышэнне бяспекі грашовых аперацый.