Беларусь разладу. Чэмпіянат Еўропы па футзале могуць перанесці ў іншую краіну
Літва і Латвія не хочуць бачыць Беларусь на Еўра-2026 / be
Казахстан можа прыняць чэмпіянат Еўропы па футзале ў 2026 годзе, паведамляе Sports24.kz. Літва і Латвія, якія першапачаткова былі краінамі-гаспадынямі турніру, не жадаюць удзелу Беларусі, якая прайшла кваліфікацыю паводле спартыўнага прынцыпу.
УЕФА разглядае магчымасць пераносу спаборніцтва ў іншую краіну. Сярод патэнцыйных новых гаспадароў турніру згадваецца Казахстан, які валодае неабходнай інфраструктурай для правядзення міжнародных спаборніцтваў.
Рашэнне наконт змены месца правядзення можа быць прынята ўжо ў бліжэйшы час.
Раней Еўрарадыё паведамляла, што Літва гатова адмовіцца ад правядзення Еўра-2026 з-за ўдзелу ў ім Беларусі. Такую пазіцыю агучыў кіраўнік Федэрацыі футбола Літвы Эдгарас Станкявічус падчас сустрэчы з прэзідэнтам УЕФА Аляксандэрам Чэферынам.
