Беларусь будзе пастаўляць у Расію дэфіцытны антырэзусны імунаглабулін

Беларусь збіраецца ратаваць Расію пастаўкамі антырэзуснага імунаглабуліна. 

Гэты прэпарат вельмі патрэбны цяжарным з адмоўным рэзус-фактарам, і прымяніць яго ў свой час — вельмі важна.

Неўзабаве пастаўляць гэты прэпарат уласнай вытворчасці ў РФ пачне Беларусь.  У Расіі з ім нярэдка бываюць перабоі.

У Беларусі ж ён ёсць толькі ў 245 аптэках з больш чым чатырох тысяч. А яшчэ некалькі гадоў таму па паказанням яго выдавалі жанчынам бясплатна, але з 2023-га пачалі прадаваць за немалыя грошы.

У тэорыі, беларускія ўлады могуць стварыць дэфіцыт уласнымі рукамі, прама як з бульбай.