Банкаўскі працэсінгавы цэнтр выправіў збой з карткамі
Банкаўская картка / pixabay.com
Уначы 10 ліпеня Банкаўскі працэсінгавы цэнтр паведаміў пра выпраўленне тэхнічнага збою, які адбыўся зранку ў сераду.
"Усе балансы па картках па картках ААТ "ААБ Беларусбанк", ААТ "Белаграпрамбанк" і ААТ "Белінвестбанк" прыведзеныя ў актуальны стан. Аперацыі з выкарыстаннем картак ажыццяўляюцца ў штатным рэжыме", — гаворыцца ў паведамленні цэнтра.
Аднак у каментарах многія карыстальнікі скардзяцца, што ім грошы на карткі не вярнулі, ці вярнулі не цалкам. Афіцыйнага тлумачэння, з чым звязаны гэты збой, пакуль няма.
Як паведамлялася раней, аб праблемах з банкаўскімі карткамі беларусы сталі паведамляць у першай палове дня 9 ліпеня. У людзей спісваліся ўсе грошы з картак, а часам узнікаў і "мінус". Трымальнікі картак не маглі расплаціцца імі нідзе.
У Банкаўскім працэсінгавым цэнтры заявілі пра тэхнічны збой і абяцалі ўсё выправіць да 14-й гадзіны. Потым тэрміны двойчы пераносілі — да 17:00 і да 22:00.
