Арына Сабаленка выйшла ў фінал турніру ў Індыян-Уэлсе

Арына Сабаленка паспяхова прайшла стадыю паўфіналу на турніры WTA 1000 у Індыян-Уэлсе.

Беларуска ў двух сэтах разграміла амерыканку Мэдысан Кіз (№5 WTA) з лікам 6:0, 6:1. Матч доўжыўся 52 хвіліны.

Сабаленка выйграла 11 геймаў запар, саступіўшы адзін на падачы Кіз пры ліку 5:0 у другім сэце перад матч-болам.

Папярэдні раз саперніцы сустракаліся ў фінале Australian Open-2025, які выйграла Мэдысан з лікам 6:3, 2:6, 7:5.

Цяпер Сабаленка будзе змагацца ў фінале з расіянкай Мірай Андрэевай (№11 WTA). Яна сенсацыйна выйграла ў полькі Ігі Свёнтэк (№2 WTA) — 7:6, 1:6, 6:3. т.

За ўдзел у фінале дзяўчаты атрымаюць мінімум 650 рэйтынгавых ачкоў і амаль $600 тыс. Пераможца забярэ 1000 балаў і $1,12 млн прызавых.