Арына Сабаленка выйшла ў 1/4 фіналу тэніснага турніру ў Індыян-Уэлсе
Арына Сабаленка / socialnews.xyz
На тэнісным турніры ў амерыканскім Індыян-Уэлсе беларуска Арына Сабаленка выйшла ў чвэрцьфінал.
Мінулай ноччу першая ракетка свету ў 1/8 фіналу гуляла з брытанскай тэнісісткай Сонай Картал (83-і нумар у рэйтынгу WTA). Наша суайчынніца перамагла яе ў двух сэтах — 6:1, 6:2. Паядынак працягваўся 1 гадзіну 11 хвілін.
За выхад у паўфінал Сабаленка будзе спаборнічаць з расіянкай Людмілай Самсонавай (25).
У 2023 годзе беларуска ў фінале турніру ў Індыян-Уэлсе саступіла прадстаўніцы Казахстана Алене Рыбакінай.
Чвэрцьфінальныя паядынкі пачнуцца сёння ўвечары.
Aryna Sabalenka, the top seed, advanced to the Indian Wells quarterfinals for the second time in two years after defeating unseeded British player Sonay Kartal 6-1, 6-2 at the BNP Paribas Open on Wednesday. pic.twitter.com/4hzMoPCn5Y
— James Sears (@havemoremoney) March 13, 2025
