ААН можа прызнаць дзеянні расійскіх войскаў ва Украіне ваеннымі злачынствамі
ААН можа прызнаць ваеннымі злачынствамі дзеянні расійскіх войскаў ва Украіне.
"Узброеныя Сілы Расіі безразважна абстрэльваюць і бамбяць населеныя пункты, забіваюць мірных жыхароў і знішчаюць лякарні, школы і іншую грамадзянскую інфраструктуру. Гэтыя дзеянні могуць быць прыроўненымі да ваенных злачынстваў", — перадае Бі-Бі-Сі словы Равіны Шамдасані, прэс-сакратара Упраўлення Вярхоўнага Камісара па правах чалавека.
Місія назіральнікаў ААН зафіксавала забойства 50 чалавек у Бучы. Таксама ААН атрымлівае звесткі пра наўмысныя забойствы з іншых мясцін Украіны. У маніторынгавай групе ёсць паведамленні пра больш як 300 незаконных забойстваў ва Украіне.
У ААН адзначаюць і іншыя задакументаваныя парушэнні правоў чалавека ў Украіне — сексуальны гвалт, невыбарчыя бамбардзіроўкі жылых раёнаў і аб'ектаў інфраструктуры, а таксама затрыманні, жорсткае абыходжанне, катаванні, забойствы як мірных жыхароў, так і ваеннапалонных усімі бакамі канфлікту.
