Затрымалі мінскіх валютчыкаў, якія за паўгода "пракруцілі" 2,5 млн долараў

У Мінску выяўлена група валютчыкаў, якія на працягу паўгода падпольна дзейнічалі на адным з гарадскіх рынкаў. Аператыўнікі ўпраўлення па барацьбе з эканамічнымі злачынствамі ГУУС Мінгарвыканкама разам з калегамі з Цэнтральнага РУУС затрымалі 29-гадовага мінчука і яго 23-гадовага сябрука.

Як інфармуе прэс-служба сталічнай міліцыі, прадпрымальнікі, якія гандлявалі на рынку, не заўсёды хацелі афішаваць свае рэальныя прыбыткі. Таму для набыцця валюты яны звярталіся да валютчыкаў. З красавіка да кастрычніка бягучага года агульны грашовы абарот спецыфічнага "бізнесу" затрыманых склаў каля 2,5 млн долараў. "Чысты" прыбытак валютчыкаў з гэтай сумы склала больш за 400 мільёнаў рублёў.

Адзначаецца, што затрыманыя прытрымліваліся строгіх мер канспірацыі. У прыватнасці, у аднаго з іх знайшлі цэлы пакунак "шэрых" сім-карт, якія гаспадар змяняў ці не штодня.

Распачатая крымінальная справа за незаконную прадпрымальніцкую дзейнасць.

Здымак з архіву. Фота — Fotolia