Затрымалі 31-гадовага мужчыну, які вырываў сумкі ў пенсіянерак
Чатыры гады ён ужывае наркотыкі, апошнія два гады нідзе не працуе.
Як паведамляе прэс-служба мінскай міліцыі, у мужчыны была кватэра ў сталіцы, але ён абмяняў яе з даплатай на жыллё ў Стаўбцоўскім раёне. Калі грошы скончыліся, а працы не знайшоў, зламыснік вырашыў рабаваць у Мінску пенсіянерак.
Спачатку мужчына вырваў з рук у 75-гадовай пенсіянеркі сумку, у якой было пасведчанне інваліда і 280 тысяч рублёў. У наступны раз пацярпела 84-гадовая пенсіянерка, у якой зламыснік скраў 80 тысяч рублёў, ключы і дакументы. Бабуля не разгубілася, пачала клікаць на дапамогу, у выніку міліцыя здолела адшукаць яе крыўдзіцеля. Распачатая крымінальная справа.
Фота — ria.ru
