Як паўплываюць гандлёвыя войны Трампа на Беларусь? Тлумачаць эксперты

— Цяпер ужо можна бачыць істотны імпульс на зніжэнне, звязаны з тарыфамі і чаканнямі таго, што будзе з сусветнай эканомікай. У цэлым у 2025 годзе можна чакаць запавольвання глабальнага росту. І ў значнай ступені гэта будзе адбывацца за кошт Еўрасаюза і азіяцкіх краін. Таксама будзе пашырацца глабальны інфляцыйны імпульс.

Інфляцыя і запавольванне росту ВУП у Беларусі

Беларусі, упэўнены Дзмітрый Крук, нічога добрага ад гэтага не будзе. Адзінае “заспакойванне” — да Беларусі гэтыя праблемы дойдуць не вельмі хутка.

— Тое, што беларуская эканоміка ўбудаваная ў сусветную хутчэй праз Расію, запавольвае гэтыя рэакцыі. Але сказаць, што мы тут проста перасядзім, нельга.

Па-першае, кажа Крук, інфляцыя, якая будзе разганяцца, хутка дойдзе і да Беларусі.

— У адносна кепскім сцэнары, прыкладна ў сярэдзіне года гэта адчуе Расія. Адпаведна, праз Расію будзе скарачацца і попыт на беларускую прадукцыю.

Што да ВУП, то, на думку Крука, палітыка Трампа стане дадатковым імпульсам да таго, каб рост запаволіўся.

— Планы ўладаў дасягнуць 4,1% росту ВУП былі нерэалістычнымі і да трампаўскіх тарыфаў. А цяпер імавернасць гэтага на парадак скарачаецца.

Эканаміст лічыць больш небяспечным уплыў інфляцыйнага глабальнага ціску на Беларусь. І ізаляванасць Беларусі ад сусветнай эканомікі не выступае абарончым бар’ерам.

— Тым больш у Беларусі ёсць свой унутраны патэнцыял для інфляцыйнага ўсплёску. Ну і там, дзе праблематычна, туды ідзе дадатковы ўдар. Таму гэта можа быць даволі істотным штуршком для паскарэння інфляцыі. 

Яшчэ скажу, што ўлады могуць гэтым скарыстацца, каб апраўдаць рост цэн з унутраных прычын, спісаць гэта ўсё на сусветную эканоміку і на Трампа. Гэта палітычна вельмі зручная штука.

А самае небяспечнае — гэта цэны на нафту, лічыць Дзмітрый Крук.

— Паводле ўскосных звестак, экспарт нафтапрадуктаў пагоршыўся. Я думаю, і ў аб’ёмах пагоршыўся, і ў цэнах. Калі пры гэтым сюды дадаецца зніжэнне сусветных цэн на нафту, гэта азначае, што экспартныя даходы з нафтапрадуктаў будуць скарачацца.  І гэта ўсё можа прывесці да істотных ваганняў на фінансавым ранку, зменаў абменнага курсу і росту інфляцыі.

“Але на Беларусі гэта не вельмі адаб’ецца”

А вось эканаміст Уладзімір Кавалкін у эфіры Еўрарадыё агучыў думку, што пошліны Трампа хоць і закрануць Беларусь, але не вельмі моцна.