Рэгуляванне цэн на некаторыя тавары адмянілі. Чакаць росту інфляцыі ў Беларусі?

Анастасія Лузгіна таксама кажа, што акрамя гэтага адбыліся змены па таварах, якія прызначаныя для далейшага экспарту.

— Па такіх таварах здымаюцца любыя абмежаванні па цэнах. Выключэнне будзе толькі ў тым выпадку, калі прадукцыя, якая будзе ісці на экспарт, узгодненая з дзяржорганамі. Хутчэй за ўсё, гэта зроблена для таго, каб кампаніі не імкнуліся прадаваць на экспарт.

Экспертка адзначае, што, з аднаго боку, улады пастараліся змякчыць тыя ўмовы, якія дзейнічалі дагэтуль, а, з другога боку, часткова цэнтралізаванае кіраванне цэн захоўваецца — гэта можа ствараць рызыкі некаторых перакосаў, як было, напрыклад, з бульбай.

— Менавіта праз дзяржаўнае рэгуляванне бульбы вырабілі ў Беларусі летась менш, чым звычайна. То-бок проста не было выгады вырошчваць бульбу.

Цэны падымуцца, але не рэзка

Што тычыцца эфекту, то, са слоў Анастасіі Лузгінай, з улікам усіх правак цэны ў Беларусі падвысяцца.

— Я думаю, што варта чакаць нейкага паскарэння ў найбліжэйшыя месяцы дынамікі цэн. Але зноў жа ўсё адно гэта будзе кантралявацца, рэгулявацца з боку дзяржаўных органаў, і мы наўрад ці ўбачым нейкі жорсткі скачок.

Нагадаем, прэм'ер-міністр Беларусі Аляксандр Турчын падпісаў пастанову Савета міністраў №713 (6) аб сістэме рэгулявання цэн.

Пералік тавараў, якія падлягаюць цэнаваму рэгуляванню, скарацілі на 120 пазіцый — да 211.

Напрыклад, з-пад рэгулявання вывелі такія тавары, як халва, радыска, коўдра, шторы, абрус і многае іншае.