Выйшаў фільм пра бортніцтва на беларускім Палессі
"Беларусьфільм" апублікаваў у сетцы фільм "Тэрыторыя пчол" / Скриншот видео
"Беларусьфільм" на сваім YouTube-канале выклаў для прагляду фільм пра ўнікальны лясны промысел — догляд за пчоламі-бароўкамі на беларускім Палессі.
Гэта бортніцтва, якое захавалася да нашых дзён толькі на Уборцкім Палессі — тэрыторыі Лельчыцкага раёна Гомельскай вобласці.
Гэта край лясоў, балот і заліўных лугоў, на якіх расце мноства меданосных раслін. Бортніцтва захавалася тут амаль у нязменным выглядзе як сямейная і абшчынная традыцыя, што перадаецца з пакалення ў пакаленне.
Аўтар сцэнара — Рэгіна Гамзовіч, рэжысёр і аператар — Юрый Цімафееў.
