Вынеслі прысуд беларусу, які 26 гадоў таму забіў у Маскве брытанскага прадзюсара
Абвінавачаны ў судзе / Sputnik Беларусь
20 гадоў калоніі ўзмоцненага рэжыму прысудзілі беларусу, які ў 1999 годзе ў Маскве забіў брытанскага тэлепрадзюсара Крыстафера Рыса. Прысуд быў вынесены Мінскім гарадскім судом.
Справа слухалася ў адкрытым рэжыме. Мужчына ўжо адбывае 16-гадовы тэрмін за забойства сваёй сужыцелькі.
Прадзюсар Крыстафер Рыс быў забіты ўвосень 1999 года. Яго цела знайшлі ў трохпакаёвай кватэры ў доме на вуліцы Цвярской. Найбольш верагоднай версіяй называлі забойства на бытавой глебе, але забойцу тады так і незнайшлі.
Выдаў забойцу яго сукамернік, якому мужчына расказаў падрабязнасці злачынства.
Так стала вядома, што беларус і брытанец пазнаёміліся ў бары, потым паехалі ў кватэру на Цвярской. Калі замежнік пачаў прыставаць да дзяўчыны, мужчына стаў біць яго "ружачкай" (разбітай бутэлькай). Са словаў сведкі, мужчына казаў, нібыта "разабраў мужчыну на кавалкі, было проста месіва, выкалаў вочы /.../, параніў сабе палец".
