Усе пасажыры і чальцы экіпажа самалёта Air India загінулі
Загінулі ўсе людзі на борце "Боінга", які ўпаў пад Ахмедабадам / EPA
Ні адзін чалавек, які быў на борце Boeing 787-8 Dreamliner авіякампаніі Air India, што ўпаў каля Ахмедабада, не выжыў, паведамляюць СМІ.
На борце самалёта, які пацярпеў крушэнне, былі 242 чалавекі. Сярод іх — 169 грамадзян Індыі, 53 брытанцы, 7 партугальцаў і 1 грамадзянін Канады, перадае інфармагенцтва Reuters. Паведамляецца, што сярод пасажыраў было 11 дзяцей.
Самалёт следаваў рэйсам з Ахмедабада ў Лондан. Амаль адразу пасля ўзлёту экіпаж падаў сігнал бедства. Boeing зваліўся на жылыя пабудовы.
Паводле звестак СМІ, у будынку інтэрната для студэнтаў-медыкаў загінула не менш за пяць чалавек.
