Умовы здачы ЦТ у Беларусі змяніліся
Цэнтралізаванае тэставанне / ctv.by
У Беларусі змяніліся ўмовы здачы цэнтралізаванага тэставання. Змены ў Палажэнне аб парадку арганізацыі і правядзення ЦТ прыняў урад.
У новай рэдакцыі павялічыўся спіс прадметаў, якія нельга выкарыстоўваць на іспытах: у яго дадаліся пісьмовыя нататкі і электронныя прылады прыёму, захоўвання і перадачы інфармацыі.
Таксама забаронена цяпер фатаграфаваць экзаменацыйныя матэрыялы, выносіць іх ці лісты для працоўных запісаў, перагаворвацца і самавольна выходзіць з аўдыторыі.
Каментуючы змены, міністр адукацыі Андрэй Іванец заявіў, што яны накіраваныя найперш на празрыстасць і справядлівасць атэстацыі за курс. "Па вялікім рахунку, гэтыя правілы дзейнічалі раней, проста ў цяперашні час яны замацаваныя ў нарматыўна-прававым акце больш высокага ўзроўню", — патлумачыў чыноўнік.
