Украінскаму блогеру Антону Птушкіну забаранілі ўезд у Расію да 2072 года
Былому вядучаму "Арла і Рэшкі”, украінскаму блогеру-падарожніку Антону Птушкіну забаранілі ўезд у Расію да 2072 года. Расійскім уладам не спадабалася яго жорсткая антываенная пазіцыя і выказванні пра дзеянні войск РФ ва Украіне.
Забарона пачала дзейнічаць з 16 красавіка 2022-га. Птушкіну праз месяц споўніцца трыццаць восем гадоў. Гэта значыць, што прыехаць у Расію ён зможа, калі яму будзе амаль 88 гадоў. Але ў РФ за гэтыя дзесяцігоддзі могуць адбыцца змены.
Пасля сыходу з "Арла і Рэшкі” Птушкін падарожнічае самастойна. Відэа на яго YouTube-канале збіраюць мільёны і нават дзясяткі мільёнаў праглядаў.
На 50 гадоў забаранілі ўезд у Расію не толькі Антону Птушкіну, а цэламу шэрагу артыстаў і вядучых. У "чорным спісе" Андрэй Данілка, Іван Дорн, Святлана Лабада, Алан Бадоеў, Святаслаў Вакарчук, Андрэй Беднякоў.
Короче, выпуска про Поволжье не будет.
— Anton Ptushkin (@ptuxerman) April 20, 2022
