У ЗША другая авіякатастрофа за два дні: у Філадэльфіі разбіўся самалёт
У Філадэльфіі разбіўся самалёт санавіяцыі. На борце было шэсць чалавек, усе загінулі / Reuters
Самалёт медыцынскай эвакуацыі пацярпеў крушэнне неўзабаве пасля ўзлёту на паўночным усходзе Філадэльфіі, паведамляе Reuters. Кампанія Jet Rescue Air Ambulance, якой належаў Learjet 55, што разбіўся, паведаміла, што на борце былі чатыры члены экіпажа, адзін пацыент і яго суправаджальнік.
"У дадзены момант мы не можам пацвердзіць наяўнасць тых, хто выжыў", — гаворыцца ў заяве Jet Rescue Air Ambulance.
На відэазапісе бачна, як самалёт пайшоў у піке, урэзаўся ў зямлю і выбухнуў.
Паводле мясцовых СМІ, на зямлі шмат параненых. Узгаранне закранула некалькі дамоў і аўтамабіляў.
Прычыны катастрофы пакуль невядомыя. Паводле мясцовых СМІ, бачнасць была дрэннай.
Гэта другая запар авіякатастрофа ў ЗША. У чацвер над Вашынгтонам у выніку сутыкнення самалёта Bombardier CRJ700 і вайсковага верталёта Sikorsky H-60 (Black Hawk) загінулі 67 чалавек.
