У сераду ў Беларусі прагназуюць туман і невялікія ападкі

У сераду, 3 снежня, у Беларусі чакаецца хмарнае надвор'е, паведамляе Белгідрамет.

Месцамі па краіне пройдуць невялікія ападкі — пераважна дождж. У асобных раёнах чакаецца туман, уначы і зранку — слабы галалёд. Вецер будзе паўднёва-ўсходні слабы.

Тэрмометры ўначы пакажуць ад -1 да +4 градусаў. Удзень прагназуецца 1-6 градусаў вышэй за нуль.

4 снежня надвор'е будзе пераважна хмарным. На большай частцы тэрыторыі краіны пройдуць ападкі — дождж, уначы з мокрым снегам. Вецер будзе паўднёва-ўсходні ўмераны.

Уначы тэрмометры пакажуць -1...+5 градусаў, удзень чакаецца 1-8 градусаў цяпла.