У Радашковічах з-за прарыву трубы 250 дамоў засталіся без вады
У гарадскім пасёлку Радашковічы Маладзечанскага раёна адбыўся прарыў трубаправоду, з-за чаго без вады на некалькі гадзінаў засталося 250 жылых дамоў.
Паводле інфармацыі прэс-службы Мінскага абласнога ўпраўлення МНС, паведамленне аб прарыве трубы з халоднай вадой дыяметрам 150 мм па вуліцы Усходняй, 3 паступіла ў чацвер у 16.54.
У выніку аварыі без халоднай і гарачай вады засталіся 30 шматкватэрных і 220 прыватных дамоў.
Падачу вады спажыўцам аднавілі ў 21.40.
