У парным разрадзе Азаранка выйшла ў другі круг Ралан Гароса

У парным разрадзе на адкрытым чэмпіянаце Францыі па тэнісе беларуска Вікторыя Азаранка і бразільянка Беатрыс Хадад Мая стартавалі з перамогі.

У 1/32 фіналу іх дуэт разграміў эстонска-славацкую пару Кая Канепі / Тэрэза Міхалікава — 6:0, 6: 1. Матч працягваўся 56 хвілін.

У 1/16 фіналу беларуска-бразільскі дуэт сустрэнецца з амерыканкамі Коры Гаўф і Джэсікай Пегулай.

У адзіночным разрадзе Ралан Гарос Вікторыя Азаранка, як і шэраг іншых беларускіх тэнісістак, ужо выбыла са спаборніцтваў. 

Сёння на турніры ў адзінолчным разрадзе паміж сабой змагаюцца яшчэ дзве нашы суайчынніцы — Арына Сабаленка (2-і нумар у рэйтынгу WTA) і Ірына Шымановіч (214).