У Мінску затрымалі арт-мэнэджара Ксенію Тырсікаву
Ксенія Тырсікава / citydog.by
У Мінску затрымалі арт-мэнэджара Ксенію Тырсікаву. Вечарам 14 траўня яе імя з'явілася ў телеграм-канале "Спісы затрыманых", які вядуць валанцёры. Там пазначана, што яе адвезлі ў Савецкае РУУС.
Паводле папярэдняй інфармацыі "Фонду культурнай салідарнасці", дзяўчыну затрымалі ў яе дома. Што стала прычынай, пакуль невядома.
Тырсікава — аўтар часопіса пра сучаснае мастацтва Chrysalis Mag. Яна таксама вядзе онлайн-курс "Макіяж для сябе".
