У Мінску Volvo апынуўся на тратуары і перакуліўся, людзей выратавалі кветнікі

У Мінску ў выніку ДТЗ Volvo апынуўся на тратуары і перакуліўся. Здарэнне адбылося каля 17:30 у панядзелак, 23 ліпеня, на скрыжаванні вуліцы Янкі Лучыны і Ігуменскага тракту. Як інфармуе партал tut.by, Volvo сутыкнулася з Audi, пасля чаго яе выкінула з праезнай часткі. Машыну спынілі бетонныя кветнікі, інакш маглі пацярпець пешаходы.

На месца прыязджалі супрацоўнікі МНС, якія змывалі паліва, каб прадухіліць магчымае ўзгаранне. ДАІ праводзіць расследаванне абставін ДТЗ.