У Мінску падчас руху загарэўся грузавік (фота)

У Мінску падчас руху загарэўся грузавік "ГАЗ-3309" (2007 года выпуску). Здарэнне адбылося ўдзень 20 жніўня на вуліцы Платонава. Ужо праз некалькі хвілін на месцы былі ратавальнікі і ўзгаранне, якое пачалося з маторнага адсеку, ліквідавалі, інфармуе прэс-служба МНС.

Мяркуецца, што прычынай здарэння стала кароткае замыканне электраправодкі.