У Мінску пачалі ацяпляльны сезон
Батарэя, ілюстрацыйнае фота / pexels.com
25 верасня ў Мінску пачаўся ацяпляльны сезон. Адпаведнае рашэнне прыняў Мінгарвыканкам.
Першымі цяпло атрымаюць так званыя аб'екты сацыяльнай сферы. Гэта дзіцячыя садкі і школы, медыцынскія і лекава-прафілактычныя ўстановы, установы сацзабеспячэння і навучальна-спартыўныя, а таксама музеі, дзяржаўныя архівы, бібліятэкі і гатэлі.
Таксама сёння ацяпленне ўключылі ў Віцебскай вобласці.
Рашэнне пра пачатак ацяпляльнага сезону прымаюць мясцовыя ўлады. У кватэрах батарэі ўключаюць, калі сярэднясутачная тэмпература паветра не перавышае +8 градусаў. На чацвер і пятніцу на большай частцы Беларусі сіноптыкі прагназавалі начныя замаразкі.
