У беларускую сталіцу прывезлі "Дары вешчуноў" (фота, відэа)
Хрысціянская рэліквія з Афонскага манастыра была ў Расіі. Каб паглядзець на яе, вернікі гадзінамі стаялі ў чэргах.
У пятніцу ўдзень у Нацыянальным аэрапорце Мінск прызямліўся самалёт з Пецярбурга, на борце якога знаходзяцца "Дары вешчуноў". Іх суправаджае дэлегацыя манахаў на чале з архімандрытам Парфеніем з Афона. У аэрапорце прайшло ўрачыстае набажэнства.
Рэліквія будзе знаходзіцца ў храме на тэрыторыі мінскага Дома міласэрнасці (раён станцыі метро "Усход"). Доступ да яе будзе адкрыты з 8.00 да 22.00 з 18-га да 23 студзеня. Як чакаецца, 24 студзеня "Дары вешчуноў" павязуць у Кіеў.
Афіцыйную версію паходжання хрысціянскай рэліквіі можна прачытаць тут, альтэрнатыўную — тут.
Фота — ria.ru, БЕЛТА
