Па поўдні Беларусі ў чацвер пройдуць невялікія дажджы
Восень, ілюстрацыйнае фота / Еўрарадыё
У чацвер, 9 кастрычніка, у Беларусі будзе воблачна з праясненнямі, паведамляе Белгідрамет.
Пераважна па паўднёвай палове краіны пройдуць невялікія дажджы. Уначы і зранку ў асобных раёнах будзе згушчацца туман. Вецер прагназуецца няўстойлівы слабы.
Уначы тэрмометры пакажуць 1-7 градусаў цяпла, па паўднёва-ўсходняй палове Беларусі чакаецца да +10, а па паўночным захадзе краіны месцамі чакаюцца замаразкі 0...-2 градусы. Удзень паветра прагрэецца да 10-16 градусаў са знакам "плюс".
У пятніцу, 10 кастрычніка, на большай частцы тэрыторыі краіны пройдуць дажджы. Вецер будзе заходняй чвэрці ўмераны, раніцай і ўдзень — парывісты, у заходніх і цэнтральных раёнах — моцны парывісты. Тэрмометры ўначы пакажуць 3-9 градусаў вышэй за нуль, удзень прагназуюць +8..+15 градусаў.
