Ратавальнікі дапамаглі хлопцу, які замярзаў у полі
Ратавальнікі эвакуююць беларуса, які замярзаў у полі / МНС Беларусі
Ратавальнікі дапамаглі мужчыну, які замярзаў у полі пад Мінскам, паведамілі ў МНС.
Сёння ратавальнікі атрымалі паведамленне на нумар 112, у якім гаварылася, што малады 28-гадовы мужчына замярзае ў полі ў Мінскім раёне. Супрацоўнікі МНС растлумачылі яму, як адправіць геалакацыю са смартфона, і да прыбыцця на месца размаўлялі з ім па тэлефоне.
Хлопца, які апынуўся ў бядзе, удалося знайсці па слядах на снезе і прыкладнай геалакацыі, якую ён даслаў з тэлефона. Мужчыну эвакуявалі на снегаходзе і перадалі брыгадзе хуткай дапамогі. Дэталі здарэння невядомыя.
