У Ляхавіцкім раёне сярэдні ўзрост жаніха – 52 гады, нявесты — 49
У Ляхавічах у пачатку зімы / vk.com/lvesby
У Ляхавіцкім раёне Брэсцкай вобласці сярэдні ўзрост жаніха – 52 гады, нявесты — 49. Такую статыстыку за лістапад 2024-га агучылі ў аддзеле загса райвыканкама.
У мінулым месяцы ў раёне вяселле згулялі чатыры пары. Самы малады жаніх — 41-гадовы, нявеста — 29-гадовая. У адной з чатырох пар жаніху 73 гады, а нявесце — 72.
У лістападзе ў Ляхавіцкім раёне зарэгістравана шэсць нараджэнняў: пяць дзяўчынак (Маргарыта, Аліса, Паліна, Ульяна і Ксенія) і хлопчык (Багдан). Падобны бум дзяўчынак зафіксавалі ў Баранавічах. А ўвогуле ў 2024-м у Беларусі зарэгістравалі самую нізкую нараджальнасць за апошнія 70 гадоў.
