У Літве знайшлі толькі траіх загінулых амерыканцаў, чацвёртага шукаюць
Пошукі працягваюцца / delfi.lt
У Літве знайшлі толькі траіх загінулых амерыканскіх вайскоўцаў з 1-й бранятанкавай брыгады 3-й пяхотнай дывізіі, чацвёртага яшчэ шукаюць. Пра гэта ў панядзелак паведаміла камандаванне арміі ЗША ў Еўропе і Афрыцы.
63-тонная гусенічная машына M88 Hercules з чатырма амерыканскімі вайскоўцамі на борце знікла 25 сакавіка падчас вучэнняў на палігоне Пабрадзе. Выявілі яе ў багністай мясцовасці на глыбіні каля пяці метраў. Маштабная аперацыя па даставанні машыны заняла некалькі дзён. Выцягнуць яе ўдалося толькі пад раніцу 31 сакавіка.
Высветлілася, што балота, у якое правалілася амерыканская гусенічная машына, не было абазначанае на мапах.
