У Гомельскім раёне беспілотнік разбурыў гаспадарчую пабудову
"Шахед" (ілюстрацыйнае фота) / Reuters
У Гомельскім раёне беспілотнік разбурыў гаспадарчую пабудову. Пры падзенні ён выбухнуў, узнік пажар. Здарэнне адбылося ўначы 27 лютага, піша "Флагшток".
Меркаваны беспілотнік упаў у раёне вёскі Зябраўка (дакладнае месца падзення невядомае). Ратавальнікі пра пажар у Зябраўцы не паведамлялі.
У тую ноч перасячэння расійскімі "шахедамі" мяжы Украіны і Беларусі не было зафіксавана. Але не выключана, што ён мог праляцець на малой вышыні, і застаўся нябачны для сродкаў супрацьпаветранай абароны.
Расійскія "шахеды" пачалі залятаць у Беларусь у ліпені 2024 года. У канцы жніўня ў Ельскім раёне на Гомельшчыне быў збіты першы расійскі ўдарны беспілотнік.
