У Глыбокім адзначылі Вадохрышча: у халодную ваду акунуўся былы ідэолаг
Святкаванне адбылося на возеры Бяглец
На беразе возера сабралася каля сотні чалавек. Пасля малебна, які правёў айцец Сергій, нягледзячы на моцны мароз, знайшлося шмат жадаючых акунуцца ў палонку. З кожным годам гэта традыцыя набывае ў Глыбокім усё большую папулярнасць.
Некаторыя акуналіся разам з дзецьмі. Прысутнічалі таксама і прадстаўнікі раённага начальства. Былы глыбоцкі ідэолаг Міхаіл Чарапкоўскі таксама акунуўся разам з усімі.
На беразе быў арганізаваны выязны гандаль, дзе можна было выпіць гарачай кавы або гарбаты.
