У Германіі аўтамабіль заехаў у натоўп, ёсць загінулыя
На месцы здарэння / dpa
У Германіі чорны пазадарожнік на высокай хуткасці заехаў у натоўп. Трагічнае здарэнне адбылося ў панядзелак у Мангейме (зямля Бадэн-Вюртэмберг). Як піша Bild, загінулі 2 чалавекі, 25 пацярпелі, сярод іх у 15 чалавек цяжкія траўмы.
Здарэнне адбылося ў цэнтры горада. Кіроўцу аўтамабіля затрымалі. Матывы яго ўчынку пакуль не называюцца.
У Мангейме ўзмоцнены меры бяспекі — на ўездах з'явіліся паліцыянты з аўтаматамі. Над цэнтрам горада — верталёт.
Гэта трэці наезд у Германіі на натоўп за апошнія тры месяцы.
Mannheim Blanken eben gerade pic.twitter.com/4DbT9o0vHS
— Manuel Weimann (@WeimannManuel07) March 3, 2025
