“Ты е*анутая?” З чаго мы смяяліся ўвесь год
Успамінаем галоўныя мемы 2025-га / @euroradio
Год падыходзіць да канца — самы час прыгадаць мемы, якія з’явіліся ў 2025-м. Давайце ўспомнім усё, з чаго мы смяяліся ўвесь год.
“Ты е*анутая?”
Мем з'явіўся дзякуючы мінскім хлопцам з творчага аб'яднання “Баловники сквад”. Яны публікавалі скетчы, у якіх парадзіравалі размовы сучасных беларускіх школьніц. Характэрнай рысай гэтых відэа стала гіпертрафаваная манера прамовы з расцягнутымі галоснымі, багаццем слэнгу і максімальна абсурднымі прэтэнзіямі.
Італьянскі брэйнрот
@crop_zyy OG Italian brainrot main characters introduction animated #tralalerotralala #tungtungtungsahur #frullifrulla #bonecaambalabu #italianbrainrot #crocodilobombardilo ♬ original sound - lisai235
Брэйнротам называюць бескарысны і пазбаўлены сэнсу інтэрнэт-кантэнт. У адыходзячым годзе новымі героямі сталі створаныя нейрасеткай персанажы з італьянскімі імёнамі: Бамбардзіра Кракадзіла, Балерына Капучына, Тралалела Тралала і іншыя.
Ролікі з гэтымі персанажамі суправаджаюцца італьянскай прамовай, таксама згенераванай ШІ. За год з'явіліся больш за мільён публікацый у сацсетках.
Jet2Holiday
Першапачаткова гэта быў проста джынгл авіякампаніі, але ў выніку ён стаў у ТікТок саўндтрэкам лета. Яго карыстальнікі наклалі аптымістычную тэму Jet2Holiday на розныя факапы ў падарожжах, чым стварылі процьму іранічных трэвэл-ролікаў.
@bben9450 Appreciating those views #jet2holidays #fyp #travel #galway #ireland ♬ Jet2 Advert - A7-BBH | MAN 🇬🇧
Сідні Суіні
У ліпені акторка Сідні Суіні аказалася ў цэнтры скандалу з прычыны здымкаў у рэкламе брэнда American Eagle. У роліку гучаў слоган “У Сідні Суіні выдатныя джынсы”. У фразе на ангельскай мове ўгледзелі гульню слоў: great jeans / great genes (“выдатныя джынсы / выдатныя гены”). То бок “У Сідні Суіні выдатныя гены”.
Гэта справакавала абвінавачанні блакітнавокай бландзінкі Суіні і American Eagle у прасоўванні еўгенікі і ідэі белай перавагі.
Потым у лістападзе развірусілася інтэрв'ю акторкі для выдання GQ. Журналістка Кэтрын Стофэл прапанавала ёй выказацца з нагоды неадназначнасці рэкламы, і Суіні лаканічна адказала: "Калі ў мяне будзе праблема, пра якую я захачу гаварыць, людзі пачуюць". Абыякавы твар Суіні назвалі ўвасабленнем "славянскага погляду" і расцягнулі на мемы.
— Міхась Ільін (@m_for_mixacb) November 8, 2025
Праз некалькі тыдняў актрыса ўсё ж папрасіла прабачэння за рэкламу. Яна заявіла, што не падтрымлівае погляды, якія ёй прыпісваюць.
Ігар, які ідзе дадому
