Турысты назвалі самую бяспечную краіну для падарожжаў. Выязджаем?
Амстэрдам / unsplash
Нідэрланды назвалі самай бяспечнай краінай для падарожжаў, піша Euronews са спасылкай на Berkshire Hathaway Travel Protection. Складальнікі рэйтынгу выкарыстоўваюць даныя Глабальнага індэксу міролюбнасці Numbeo, улічваюць іншыя рэйтынгі і дадаюць да гэтага меркаванне амерыканскіх турыстаў.
Нідэрланды занялі першае месца менавіта дзякуючы сваёй высокай пазіцыі ў рэйтынгу міролюбнасці. Падарожнікі з ЗША таксама пахвалілі краіну за развітую сістэму аховы здароўя. Але эксперты ў галіне турызму дадаюць: у Нідэрландах па-ранейшаму варта асцерагацца... веласіпедыстаў.
Другое месца заняла Аўстралія, а трэцяе — Аўстрыя. З дзесяці самых бяспечных для падарожнікаў краін свету ў 2026 годзе палова — еўрапейскія.
