Труп школьніцы знайшлі ў Мінску

У Мінску знайшлі цела школьніцы каля шматпавярховага дома ў Чыжоўцы. Гэта пацвердзілі ў Следчым камітэце, піша "Мінск-Навіны".

Першапачаткова пра трагедыю расказалі ў адным з раённых чатаў. Карыстальнікі адзначылі, што гэта адбылося каля шматпавярховага дома па вул. Аўэзава, 4, цела было знойдзена 22 лістапада.

"Пішуць, маўляў, да смерці разбілася дзіця 12-14 гадоў", — адзначыў адзін з карыстальнікаў чата. Другі каментатар пацвердзіў чуткі.

Таксама ў жыхароў раёна былі здагадкі, што дзяўчынка жыла ў іншым доме і наклала на сябе рукі, але гэтая інфармацыя афіцыйна не пацверджана.

У СК паведамілі, што яна магла выпасці з акна.