Трамваі вярнуліся да мінскага чыгуначнага вакзала (фота)
1 лістапада, пасля 8 месяцаў рэканструкцыі, да чыгуначнага вакзала ў Мінску зноў пайшлі трамваі. Маршруты №1 “ДС Зялёны Луг — пл. Мяснікова”, №4 “ДС Возера — пл. Мяснікова” і №7 “ДС Серабранка — пл. Мяснікова” цяпер працуюць у звычайным рэжыме. А аўтобус №901 “ДС Дружная — Камароўскі рынак”, які часова замяняў трамваі, адмяняецца.
Акрамя трамвайных рэек рэканструкцыі падвергліся прыпынкі. Новыя маюць больш доўгія дахі, каб людзі маглі схавацца ад дажджу ды снегу. Перанеслі і прыпынак “Вакзал”, цяпер ён знаходзіцца паміж уваходам у будынак чыгуначнага вакзала і “Брамай Мінска”.
Агулам на рэканструкцыю было патрачана каля $8,5 млн.
