Трамп павысіў пошліны на тавары з Кітая да 145%
Дональд Трамп / Reuters
Прэзідэнт ЗША Дональд Трамп павысіў пошліны на тавары з Кітая да 145%, паведамляе cnbc.com са спасылкай на прадстаўніка Белага дома.
Толькі ў сераду было аб'яўлена, што пошліны для КНР "неадкладна" павялічваюцца з 104% да 125%. Кітай павысіў мытныя пошліны на амерыканскія тавары да 84%. Пекін заявіў, што гатовы "змагацца да канца". Трамп жа назваў кітайскія дзеянні памылкай.
9 красавіка Дональд Трамп увёў 90-дзённую паўзу па павышаных пошлінах для тых краін, якія не адказалі на дзеянні ЗША павышэннем пошлін на амерыканскія тавары.
