Стаў вядомы кошт аднаго наведвання паліклінікі ў Мінску

Стаў вядомы кошт аднаго наведвання паліклінікі ў Мінску. Чыноўнікі падлічылі, што гэта — 13,8 рубля. Пра гэта распавяла Людміла Лугавец з Камітэта па ахове здароўя Мінгарвыканкама. Паводле яе слоў, у агучаную суму ўваходзіць аплата працы лекара (як тэрапеўта, так і вузкага спецыяліста), матэрыялы ды іншае, інфармуе партал tut.by.  

Як вядома, плаціць цяпер за візіт у паліклініку не трэба. Але для некаторых беларусаў падобныя паслугі могуць стаць платнымі. У абноўлены дэкрэт № 3 прапануецца ўвесці прынцып “не працуеш — плаці за паслугі”. Пералік гэтых паслуг вызначыць урад.