Станцыю метро “Магілёўская” зноў адкрылі для пасажыраў

У мінскім метрапалітэне ў 11:30 зачынілі станцыю “Магілёўская”. Паводле паведамленняў СМІ са спасылкай на сталічную міліцыю, у метро магло знаходзіцца выбуховае прыстасаванне. На станцыі працавалі сапёры.

Як паведамляюць відавочцы, прыкладна ў 13.00 праваахоўнікі працавалі на ачэпленым участку ў адным з пераходаў, дзе знаходзіцца тэлефон-аўтамат. Мяркуючы па ўсім, эксперты-крыміналісты здымалі адбіткі пальцаў з апарата.

У 13:17 рух цягнікоў праз станцыю быў адноўлены. На дадзены момант, метрапалітэн працуе ў штатным рэжыме. Паведамленне аб замініраванні не пацвердзілася.

Фота: realt.onliner.by