Сталі вядомыя вынікі абследавання пасажыраў у мінскім метро
Яно праводзілася 11 сакавіка. За гэты дзень паслугамі падземкі скарысталіся 846 500 чалавек.
Мінскі метрапалітэн падвёў вынікі талоннага абследавання, якое праводзілася 11 сакавіка. За гэты дзень паслугамі падземкі скарысталіся 846 500 чалавек: на першай лініі — 489 тысяч, на другой — 357 500. Адзначаецца, што сярэдняя далёкасць паездкі склала 7,98 км (у 2002 годзе было 6,1 км).
З першай лініі на другую перайшлі 126 700 пасажыраў, з другой на першую — 125 600. Найбольш людзей едзе са станцыі "Каменная горка" на станцыю "Плошча Якуба Коласа" (35 264) і назад (39 678).
Аналіз атрыманых дадзеных працягваецца. Начальнік службы руху Мінскага метрапалітэна Андрэй Міхайлоўскі адзначыў у каментары агенцтву "Мінск-навіны", што нягледзячы на адмову 5% пасажыраў удзельнічаць у талонным абследаванні, метрапалітэнаўцы "ўсё роўна ведаюць, адкуль і куды яны ехалі", паколькі вусна апыталі гэтых людзей.
