Спецназ затрымаў 70 мігрантаў у Мінску

Спецназ у Мінску затрымаў 70 мігрантаў. Яны планавалі выкарыстаць Беларусь як транзітную краіну для траплення ў ЕС.

Арганізаваць часовае пражыванне і падабраць працу замежнікам дапамагала сямейная пара — 43-гадовая жанчына і 44-гадовы мужчына.

Паводле версіі МУС, сужэнцы займаліся незаконнай дапамогай мігрантам з мая па ліпень 2025 года. За свае паслугі, у тым ліку дапамогу ў пошуку жылля, яны атрымлівалі ад 50 да 100 долараў з кожнага чалавека.

СК узбудзіў крымінальную справу па артыкуле аб арганізацыі незаконнай міграцыі. Затрыманых змясцілі ў ізалятар часовага ўтрымання. Ім пагражае да 7 гадоў пазбаўлення волі.

А мігранты ў бліжэйшы час будуць дэпартаваныя.