СМІ: У Беларусі затрымалі гендырэктара Банкаўскага працэсінгавага цэнтра
Партал tut.by са спасылкай на некалькі крыніцаў паведамляе пра затрыманне гендырэктара Банкаўскага працэсінгавага цэнтра (БПЦ) Генадзя Зубарава. Затрыманне нібыта адбылося напрыканцы мінулага тыдня.
Раней Зубараў доўгі час працаваў у Беларусбанку. Там ён быў начальнікам аддзела банкаўскіх картак і дырэктарам разліковага цэнтра пластыкавых картак. Гендырэктарам ААТ "Нацыянальны працэсінгавы цэнтр" ён стаў у 2002 годзе. Яго пасаду ў "Беларусбанку" заняў Анатоль Баговік, таксама якога затрымалі напрыканцы мінулага тыдня.
Як піша tut.by, у прыёмнай Зубарава заяўляюць, што з 5-га па 12 жніўня ён знаходзіцца ў сацыяльным адпачынку.
За апошні час гэта ўжо трэцяе паведамленне пра затрыманых топ-менеджараў, звязаных з "Беларусбанкам". У сярэдзіне чэрвеня стала вядома пра першага намесніка старшыні праўлення банка Генадзя Гаспадарыка. А на пачатку жніўня з'явіліся звесткі пра затрыманне выканаўчага дырэктара банка Анатоля Баговіка. Пра Гаспадарыка прэс-служба КДБ паведамляла, што яго затрымалі пры атрыманні хабару ў 14 тысяч долараў.
