Сіноптыкі: у панядзелак месцамі будзе да -26
У бліжэйшыя суткі, 20 студзеня, у Беларусі чакаецца пераменная хмарнасць.
Будзе пераважна без ападкаў, толькі на Брэстчыне магчымы невялікі снег, слабая завіруха. На асобных участках дарог захаваецца галалёдзіца. Вецер усходні ўмеркаваны, па паўднёвым захадзе парывісты.
Тэмпература паветра ўначы складзе 13-19 градусаў марозу, па паўночна-ўсходняй палове — мінус 20-24 градусы, месцамі — да 26 градусаў ніжэй за нуль. Удзень будзе 11-16 градусаў марозу, па Брэстчыне цягам сутак — ад 8 да 13 градусаў ніжэй за нуль, перадае БЕЛТА са спасылкай на Белгідрамет.
