Расійскія СМІ пішуць пра абстрэл вёскі на Браншчыне каля мяжы з Украінай
Расійскія СМІ паведамляюць пра нібыта абстрэл вёскі Клімава ў Бранскай вобласці на мяжы з Украінай.
Спярша гаварылася, што пацярпелых няма. Потым ТАСС заявіў пра семярых пацярпелых, у тым ліку цяжарную жанчыну і дзіця.
У школах памежнага з Украінай раёна Бранскай вобласці адмянілі заняткі.
Раней з'яўляліся паведамленні пра вайсковую тэхніку каля Клімава, а таксама пра тое, што там стаіць вайсковая часць.
Хто абстраляў вёску, невядома. Расійскія СМІ вінавацяць Украіну, але гэта можа быць і расійскай правакацыяй.
