Прыгожыя флэшмобы і маршы: як прайшла 22-я пратэстная нядзеля ў Беларусі
Зімовы пратэст беларусаў у студзені 2021-га года / "Наша Ніва"
22-я нядзеля пасля прэзідэнцкіх выбараў у Беларусі не стала выключэннем з правілаў — 10-га студзеня жыхары Мінска, наваколля і іншых гарадоў зноў выйшлі на шпацыр.
Ранішнія маршы прайшлі па сталічным Зялёным Лузе, Бараўлянах, Пуліхава, Серабранцы, ЖК "Магістр".
У некаторых раёнах нядзельныя шэсці замянілі прыгожыя флэшмобы. Ва Уруччы і Копішчы людзі выйшлі на балконы шматпавярховак з БЧБ-сцягамі.
У некаторых раёнах сёння адбыліся адзіночныя пікеты снегавікоў.
Традыцыйна для нядзелі "вельмі шмат" неабыякавых грамадзян пад чырвона-зялёнымі сцягамі выйшлі сустракаць аўтазакі ва Уруччы. Бусы і аўтазакі з сілавікамі заўважаныя ў многіх раёнах Мінска. Пра затрыманні пакуль не паведамляецца.
Мітынг у падтрымку АМАПу прайшоў у Гродне і Брэсце. Паглядзіце, у прыхільнікаў людзей у чорным з'явіўся новы слоган — "ЯМЫ SILOVIKI". Лацінкай! Як вам?
А гэта БЧБ-марш у Магілёве. На белым снезе нацыянальны сцяг глядзіцца эфектна, праўда?
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
